(Payam-e-Mashriq-059) Part 3 – Mai-e-Baqi – Ghazaliata مئے باقی

Urdu

غزلیات

اصنافِ شاعری میں غزل سب سے زیادہ دلکش اور مقبول صنف ہے۔ کیونکہ شاعر اپنے وارداتِ قلبی اور جذباتِ عاشقی کے اظہار کا ذریعہ اسی کو بناتا ہے۔ علامہ اقبال کی شاعرانہ عظمت کا دارومدار اگرچہ ان کی غیر فانی نظموں پر ہے لیکن غزل میں بھی ان کا مرتبہ کوئی کم نہیں ہے۔ حالانکہ انہوں نے غزل کو اپنی شاعری کا موضوع نہیں بنایا۔ ان کی غزل بھی ان کے مخصوص فلسفیانہ افکار یعنی پیغام کی بھی حامل ہے۔ ان کی غزلوں کی زبان کی سلاست، ترنم ریز اور معنوی لطافت وجد انگیز ہے۔ “پیامِ مشرق” کی غزلوں کے مطالعہ سے یہ حقیقت واضح ہوتی ہے کہ اقبال نے حافظ شیرازی اور نظیری کا اثر سب سے زیادہ قبول کیا ہے۔ اس کی وجہ یہ ہے کہ یہ دونوں اپنی اپنی جگہ عدیم النظیر ہیں۔

تغزل کے اعتبار سے نظیری کا جواب نہیں ہے۔ فارسی شاعری میں نظیری کو رئیس المتغزلین کا لقب حاصل ہے خود علامہ اقبال کہتے ہیں؎

بملک جم نہ دہم مصرع نظیری را

کسے کہ کشتہ نشد از قبیلہ ما نیست

لطفِ سخن اور عذوبتِ بیان کے لحاظ سے کوئی شاعر حافظ کی ہمسری نہیں کر سکتا۔

ذیل میں حافظ اور اقبال کے چند مصرعے درج کئے جاتے ہیں جن کے تقابل سے پتہ چلتا ہے کہ اقبال، حافظ سے بہت متاثر تھے۔

حافظ کہتے ہیں: در خراباتِ مغاں نورِ خدا می بینم

اقبال کہتے ہیں: در خراباتِ مغاں گردشِ جامے دارم

حافظ کہتے ہیں: بملازمانِ سلطان کہ رساند ایں دعا را

اقبال کہتے ہیں: بملازمانِ سلطان خبرے دہیم ز رازی

حافظ کہتے ہیں: نہ ہر کہ سر بتراشد قلندری داند

اقبال کہتے ہیں: اگر چہ سر بتراشد قلندری داند

حافظ اور اقبال میں دوسری مماثلت یہ ہے کہ دونوں نے فقیہِ شہر کو ہدفِ ملامت بنایا ہے۔ اس کی وجہ یہ ہے کہ اس طبقہ کے طرزِ عمل میں کوئی تبدیلی نہیں ہوتی ہے۔

مئے باقی سے مراد ہے وہ شراب جس کا سرور کبھی زائل نہ ہو۔ اقبال نے اپنی غزلوں کو باقی سے اس لئے تعبیر کیا ہے کہ انہوں نے ان غزلوں میں وہ بلند حقائق و معارف بیان کئے ہیں جو اپنے اندر بقائے دوام کی صفت رکھتے ہیں۔ غزل کو شراب سے اس لئے تعبیر کیا کہ غزل میں بھی شراب کی سی مستی ہوتی ہے اور پڑھنے والے کو وہی سرور حاصل ہوتا ہے جو مے نوش کو شراب پینے سے حاصل ہوتا ہے۔

Roman Urdu

Ghazliyat

Asnaf-e-shairi mein ghazal sab se zyada dilkash aur maqbool sinf hai. Kyunke shair apne vaaridat-e-qalbi aur jazbaat-e-ashiqi ke izhaar ka zariya isi ko banata hai. Allama Iqbal ki shairana azmat ka daromadar agarchay un ki ghair-fani nazmon par hai lekin ghazal mein bhi un ka martaba koi kam nahi hai. Halankay unhon ne ghazal ko apni shairi ka mauzoo nahi banaya. Un ki ghazal bhi un ke makhsoos falsafiyana afkaar yaani paigham ki bhi haamil hai. Un ki ghazalon ki zaban ki salasat, tarnum raiz aur manwi latafat wajd-angeez hai. “Payam-e-Mashriq” ki ghazalon ke mutalea se yeh haqeeqat wazeh hoti hai ke Iqbal ne Hafiz Shirazi aur Naziri ka asar sab se zyada qubool kiya hai. Is ki wajah yeh hai ke yeh donon apni apni jagah adeem-un-nazeer hain.

Taghazzul ke aitbar se Naziri ka jawab nahi hai. Farsi shairi mein Naziri ko Raees-ul-Mutaghazzaleen ka laqab haasil hai. Khud Allama Iqbal kehte hain:

Ba mulk-e-jam na daham misra-e-Naziri ra Kase ke kushta na shud az qabila-e-ma naist

Lutf-e-sukhan aur uzoobat-e-bayan ke lihaaz se koi shair Hafiz ki hamsari nahi kar sakta. Zail mein Hafiz aur Iqbal ke chand misray darj kiye jaate hain jin ke taqabul se pata chalta hai ke Iqbal, Hafiz se bohat mutasir thay.

Hafiz kehte hain: Dar kharabat-e-mughan noor-e-khuda mi beenam

Iqbal kehte hain: Dar kharabat-e-mughan gardish-e-jaame daaram

Hafiz kehte hain: Ba mulaziman-e-sultan ke rasand een dua ra

Iqbal kehte hain: Ba mulaziman-e-sultan khabre daheem zi raazi

Hafiz kehte hain: Na har ke sar batrashad qalandari danand

Iqbal kehte hain: Agarche sar batrashad qalandari danand

Hafiz aur Iqbal mein doosri mamaslat yeh hai ke donon ne Faqih-e-Shehar ko hadaf-e-malamat banaya hai. Is ki wajah yeh hai ke is tabqa ke tarz-e-amal mein koi tabdeeli nahi hoti hai.

Mai-e-Baqi se murad hai woh sharab jis ka suroor kabhi zail na ho. Iqbal ne apni ghazalon ko Mai-e-Baqi se is liye tabeer kiya hai ke unhon ne in ghazalon mein woh buland haqaiq-o-maarif bayan kiye hain jo apne andar baqa-e-dawam ki sifat rakhte hain. Ghazal ko sharab se is liye tabeer kiya ke ghazal mein bhi sharab ki si masti hoti hai aur parhne wale ko wahi suroor haasil hota hai jo may-nosh ko sharab peene se haasil hota hai.