Ranjish hi sahi, dil hi dukhane ke liye aa

رنجش ہی سہی، دل ہی دکھانے کے لیے آ
آ پھر سے مجھے چھوڑ کے جانے کے لیے آ

کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ

اک عمر سے ہوں لذتِ گریہ سے بھی محروم
اے راحتِ جاں! مجھ کو رلانے کے لیے آ

اب تک دل خوش فہم کو ہیں تجھ سے امیدیں
یہ آخری شمعیں بھی بجھانے کے لیے آ

---

Roman Urdu:

Ranjish hi sahi, dil hi dukhane ke liye aa
Aa phir se mujhe chhor ke jane ke liye aa

Kis kis ko batayenge judai ka sabab hum
Tu mujh se khafa hai to zamane ke liye aa

Ek umr se hoon lazat-e-girya se bhi mehroom
Ae rahat-e-jaan! Mujh ko rulane ke liye aa

Ab tak dil-e-khush feham ko hain tujh se umeedein
Ye aakhri shamaen bhi bujhane ke liye aa