(Payam-e-Mashriq-003) Muqadma مقدمه
Urdu
اقبال نے اپنی تمام تصانیف میں صرف دو کتابوں پر دیباچہ لکھا: ایک “اسرارِ خودی” اور دوسری یہی “پیام مشرق” جو زیرِ نظر ہے۔ اس کی وجہ یہ ہے کہ یہی دو کتابیں اُن کی نظر میں اس لائق تھیں کہ وہ خود ناظرین سے اُن کو متعارف کرائیں۔ پیام مشرق (1922-23ء) میں شائع ہوئی۔ یہ دوسری کتاب ہے جس کا دیباچہ مصنف نے خود لکھا اور اب تک اصل کتاب کے ساتھ شائع ہو رہا ہے۔
کتاب کا دیباچہ جرمن ادب میں مشرقی تحریک کے متعلق ایک عمدہ بحث پر مشتمل ہے۔ یہ مضمون مفید اور پُر از معلومات ہے۔ یہ کتاب المانوی شاعر گوئٹے کے “پیام مغرب” کے جواب میں لکھی گئی۔ گوئٹے نے مشرقی ادبیات کا مطالعہ کیا تھا، بالخصوص مولانا روم سے اس نے کافی فائدہ اُٹھایا۔ لیکن ان کے فلسفہ کے بہت سے حصوں سے اتفاق نہیں کیا اور اپنی ساری کوشش یہ ثابت کرنے میں صرف کر دی کہ مغرب ہی آج کی دنیا کے مسائل کو حل کرنے کی طرف رہنمائی کر سکتا ہے۔ اس سے علامہ اقبال کے جذبۂ ملی کو ٹھیس پہنچی اور انہوں نے گوئٹے کی تردید کرتے ہوئے ثابت کیا کہ جس علم سے آج مغرب فیض اُٹھا رہا ہے وہ مشرق کا اور خصوصاً مسلمانوں کا ورثہ ہے۔
اس کتاب کا انتساب افغانستان کے ایک سابق فرمانروا امیر امان اللہ خان نیازی سے کیا گیا ہے۔ خطاب کا مضمون اور انداز نہایت دلکش اور بلیغ ہے۔ یہ کتاب بلاشبہ “جاوید نامہ” کے بعد اقبال کی مشکل ترین تصنیف ہے کیونکہ اس میں انہوں نے وہ حقائق اور معارف بیان کئے ہیں جن کا تعلق افراد اور اقوام کی باطنی تربیت سے ہے۔
کتاب کے پانچ حصے
یہ کتاب پانچ حصوں میں منقسم ہے:
1. لالۂ طور
پہلے حصہ میں رباعیات درج کی ہیں اور ان میں فلسفہ کے دقیق مسائل نظم کئے ہیں۔ ان مسائل میں وحدت الوجود کا مسئلہ سب سے زیادہ مشکل ہے۔ اس حصے میں 163 رباعیاں “لالۂ طور” کے عنوان سے ملتی ہیں۔ یہ رباعیاں سبکِ شعر کے اعتبار سے بابا طاہر عریان کی پیروی میں کہی گئی ہیں۔ علامہ کے موضوعات طاہر کی طرح عاشقانہ نہیں بلکہ زیادہ تر فلسفیانہ اور عارفانہ ہیں۔
2. افکار
دوسرا حصہ “افکار” کے نام سے شروع ہوتا ہے، جس میں قطعہ، مثنوی، مسمط، ترکیب بند، ترجیع بند، مستزاد اور قصیدہ وغیرہ پر طبع آزمائی کی گئی ہے۔ اس میں فلسفۂ حرکت کو موضوع بحث بنا کر زندگی کے ارتقائی مراحل کی توضیح کی گئی ہے۔ اقبال نے انسانی ارتقاء کو مغربی فلسفیوں کے برعکس عشق اور اس کے سوز و گداز کا نتیجہ قرار دیا ہے۔
بو علی اندر غبارِ ناقہ گم
رومی پردہ محمل گرفت
دستِ ایں فروتر رفت و تا گوہر رسید
آں بگردا ہے چو خس منزل گرفت
3. مئے باقی
تیسرا حصہ 45 غزلیات پر مشتمل ہے۔ ان غزلوں میں حافظ اور نظیری کا رنگ جھلکتا ہے اور مضامین میں بیدل اور غالب کی سی بلندی نظر آتی ہے۔ “مئے باقی” کا عنوان حافظ کے اس شعر سے اقتباس ہے:
بدہ ساقی مئے باقی کہ در جنت نخواہی یافت
کنارِ آبِ رکنا باد و گلگشتِ مصلیٰ را
4. نقشِ فرنگ
چوتھا حصہ “نقشِ فرنگ” کے نام سے موسوم ہے۔ یہ وہ پیام ہے جو اقبال نے مشرق کی طرف سے مغرب کو بھیجا ہے۔ اس میں شوپن ہار، نطشے، ٹالسٹائی، کارل مارکس، لینن، ہیگل، برگساں، آئن سٹائن اور کانٹ وغیرہ کے افکار پر تنقید کی گئی ہے۔ یہ اس کتاب کا سب سے زیادہ مشکل حصہ ہے۔
5. خردہ
پانچویں حصہ میں چند قطعات اور متفرق اشعار درج ہیں۔ اس کی خصوصیت یہ ہے کہ حکیمانہ نکات کو ظریفانہ انداز میں پیش کیا گیا ہے۔ بحیثیت مجموعی یہ اس کتاب کا آسان ترین حصہ ہے۔
پیام مشرق پر ایک نظر
“پیام مشرق” 1923ء میں شائع ہوئی، جب مغرب کی استعماری طاقتیں مشرق کو اپنی یغما گری کا ہدف بنائے ہوئے تھیں۔ سارا مشرق سیاسی اور اجتماعی زوال کا شکار تھا۔ پہلی جنگِ عظیم کے بعد اقبال نے مغرب کو مادہ پرستی کے برعکس مذہب اور روحانیت کی تعلیم دینی شروع کی۔
گوئٹے اور اقبال کا موازنہ:
گوئٹے نے اپنا “دیوانِ غربی و شرقی” انقلابِ فرانس کے بعد کے پُر اضطراب حالات میں لکھا تھا۔ وہ مغرب کی مادہ پرستی سے بیزار ہو کر مشرق کی روحانیت میں پناہ کا متلاشی تھا۔ اقبال گوئٹے کے ان پاکیزہ رجحانات سے بہت متاثر ہوئے۔ “پیام مشرق” کے آغاز میں اقبال فرماتے ہیں:
ہر دو دانائے ضمیرِ کائنات
ہر دو پیغامِ حیات اندر ممات
کتاب کے آخر میں اقبال نے مغرب کی غیر فطری تہذیب کو ہیچ قرار دیتے ہوئے اسے مشرق کی جانب سے پیغام بھیجا ہے کہ وہ عقل کی بجائے عشق کی طرف رجوع کرے:
از من اے بادِ صبا گوئے بدانائے فرنگ
عقل تا بال کشود است گرفتار است عجب
آں نیست کہ اعجازِ مسیحا داری
عجب ایں است کہ بیمارِ تو بیمار تر است
حاصلِ کلام
انسان کی بقا اور ترقی کا راز احترامِ آدمیت میں مضمر ہے۔ اگر انسان عزت کے ساتھ زندگی بسر کرنا چاہتا ہے تو اسے رنگ و نسب کے ناپاک تصورات اور وطنیت کے ذلیل عقائد کو ترک کر کے انسانی اخوت کو اپنا شعار بنانا ہوگا۔
چارہ ای نیست کہ از عشق گشادی طلبیم
پیشِ او سجدہ گزاریم و مرادی طلبیم
Roman Urdu
Iqbal ne apni tamaam tasaneef mein sirf do kitabon par dibacha likha, aik Asrar-e-Khudi aur doosri yahi Payam-e-Mashriq jo zer-e-nazar hai. Is ki wajah yeh hai ke yahi do kitaben un ki nazar mein is laiq theen ke woh khud nazireen se un ko mutaarif karain.
Payam-e-Mashriq (1923) mein shaya hui. Yeh doosri kitab hai jis ka dibacha musannif ne khud likha aur ab tak asal kitab ke sath shaya ho raha hai. Kitab ka dibacha German adab mein Mashriqi tehreek ke mutalliq aik umdah behas par mushtamil hai. Yeh mazmoon mufeed aur pur-az-maloomat hai.
Yeh kitab Almanvi shayar Goye ke Payam-e-Maghrib ke jawab mein likhi gayi. Goye ne Mashriqi adabiyat ka mutalea kiya tha, bil-khusoos Maulana Room se us ne kaafi faida uthaya. Lekin un ke falsafe ke bohat se hisson se ittefaq nahin kiya aur apni sari koshish yeh sabit karne mein sarf kar di ke Maghrib hi aaj ki duniya ke masael ko hal karne ki taraf rehnumai kar sakta hai.
Is se Allama Iqbal ke jazba-e-milli ko thes pohanchi aur unhon ne Goye ki tardeed karte hue sabit kiya ke jis ilm se aaj Maghrib faiz utha raha hai woh Mashriq ka aur khusoosan Musalmanon ka wirsa hai.
Is kitab ka intisab Afghanistan ke aik sabiq farmanrawa Ameer Amanullah Khan Niazi se kiya gaya hai. Khitab ka mazmoon aur andaz nihayat dilkash aur baligh hai.
Yeh kitab bila-shuba Javed Nama ke baad Iqbal ki mushkil tareen tasneef hai kyun ke is mein unhon ne woh haqaiq aur ma’arif bayan kiye hain jin ka talluq afrad aur aqwam ki batini tarbiyat se hai.
Yeh kitab paanch hisson mein munqasim hai:
(1) Pehla Hissa – “Lala-e-Toor”
Pehle hisse mein jis ka naam Lala-e-Toor hai, rubaiyat darj hain aur un mein falsafe ke auq masael nazm kiye gaye hain. In masael mein Wahdat-ul-Wujood ka masla sab se zyada mushkil hai aur jab tak is masle ke mabadi aur usool-e-mauzoo se waqfiyat na ho, in rubaiyat ka samajhna bohat zyada dushwar hai.
Is hisse mein 63 rubaiyan “Lala-e-Toor” ke unwan se milti hain. Yeh rubaiyan jinhein behtar hoga ke do-baitiyon ka naam diya jaye, sabk-e-sher ke aitbar se Baba Tahir Uryan ki pairwi mein kahi gayi hain.
Zaban-o-bayan ki khoobiyon aur matalib-o-maani ki nadarton ke lehaaz se yeh do baitiyan kalaam-e-Iqbal ka be-nazir hissa hain. Allama ki zaban ne azeem afkar ke mutahammil hone mein jis quwwat ka sath in mukhtasir taranon mein diya hai woh kahin aur shayad kam nazar aaye.
Albatta Iqbal Baba Tahir se is lehaaz se bilkul mukhtalif hain ke Allama ke mauzuaat Tahir ki tarah ashiqana nahin balke zyada tar falsafiyana aur arifana hain. Yeh falsafa zindagi ke asrar aur ma’dan-e-hikmat ke gohar haaye aabdar hain.
(2) Doosra Hissa – “Afkar”
Kitab ka doosra hissa Afkar ke naam se shuru hota hai jis mein aksar anwaa-e-sukhan maslan qata, masnavi, musammat, tarkeeb band, tarjeeh band, mustazad aur qaseeda waghera par taba aazmai ki gayi hai.
Iqbal ne Khuda, insaan aur kainaat se mutalliq masael par apne nataij-e-afkar shairana andaz mein pesh kiye hain jin ke mutalea se yeh maloom ho sakta hai ke unhon ne zindagi ko kis zawiye nazar se dekha.
Is hisse mein jaisa ke qudrati baat hai, dushwar nazmon ke pehlu mein chand aasan nazmein bhi pai jati hain lekin ilmi nukat un mein bhi maujood hain.
Yeh mukhtalif ahangon par mushtamil choti bari manzumat Iqbal ki fikr-o-fan ka aala namoona hain. Is hisse ki aksar nazmon mein insaan ki bunyadi salahiyaton par roshni dali gayi hai aur falsafa-e-harkat ko bil-khusoos mauzoo-e-behas bana kar zindagi ke irtiqai marahil ki tozeeh ki gayi hai.
Iqbal ne insani harkat aur irtiqa ko Maghribi falsafiyon ke bar-aks ishq aur us ke soz-o-gudaz ka nateejah qarar diya hai.
(3) Teesra Hissa – “Mai-e-Baqi”
Teesra hissa jis ka unwan Mai-e-Baqi hai 45 ghazliyaat par mushtamil hai. In ki zaban ki salast tarannum-rez aur ma’navi latafat wajd angez hai. Yeh is kitab ka sab se zyada dilkash hissa hai.
In ghazlon ki khasoosiyat yeh hai ke in ki zaban aur andaz-e-bayan mein Hafiz aur Nazeeri ka rang jhalakta hai aur in ke mazameen mein Bedil aur Ghalib si bulandi nazar aati hai.
Lekin shayar ki infiradiyat har ghazal se numayan hai kyun ke Iqbal ne ghazlon mein bhi jaga jaga apne makhsoos falsafa-e-hayat ki tabligh ki hai.
(4) Chautha Hissa – “Naqsh-e-Farang”
Payam-e-Mashriq ka chautha hissa Naqsh-e-Farang ke naam se mausoom hai. Yeh woh payam hai jo Iqbal ne Mashriq ki taraf se Maghrib ko bheja hai.
Is hisse mein mutaddid qataat mukhtalif he’aton aur guno-gun anawin ke tehat darj hain jin mein Schopenhauer, Nietzsche, Tolstoy, Karl Marx, Lenin, Hegel, Roomi, Bergson, Mazdak, Einstein aur Kant waghera ke afkar ko bil-ikhtisar bayan kiya hai.
Hukama-e-Maghrib ke afkar par tanqeed ki hai aur yeh is kitab ka sab se zyada mushkil hissa hai kyun ke jab tak parhne wala in hukama ke falsafe se agah na ho tanqeed se lutf andoz nahin ho sakta.
(5) Paanchwa Hissa – “Khurda”
Paanchwen hisse ka unwan Khurda hai. Is mein chand qataat aur chand mutafarriq ashaar darj kiye gaye hain. Is hisse ki khasoosiyat yeh hai ke hakeemana nukat ko zareefana andaz mein pesh kiya gaya hai. Bahaisiyat-e-majmooi yeh is kitab ka aasan tareen hissa hai.
Payam-e-Mashriq Par Aik Nazar
Payam-e-Mashriq 1923 mein shaya hui, yani us dour mein jab Maghrib ki istimari taqatein Mashriq ko apni yaghma gari ka hadaf banaye hue theen. Sara Mashriq aik ajeeb ashuftagi, badhaali aur pareshani ka shikar ho raha tha.
Siyasi aur ijtimai zawal ke sath sath Maghribi madiyat ke asar se Mashriq ke pur-noor ufaq par andhere hi andhere chha rahe the aur insaan in andheron ki aar mein bari be-dareeni se insani namoos ka parda chaak kar raha tha.
Millat-e-Islamiya ghairon ke panja-e-tasallut mein par kar masaib-o-aalam mein mubtala ho gayi.
Mashriq ki bedari ke liye Iqbal ne khudi ya istihkam-e-zaat ke falsafe ko pesh kar ke ahl-e-Mashriq ko insaan ki la-mehdood aur ghair-fani ma’navi quwwaton ka ehsaas dilaya…
Roohani aqdar se roshnaas kara chuka tha. Pehli jang-e-azeem ke baad Iqbal ne ijtimai qadron ko mehfooz rakhte hue Maghrib ko madah parasti ke bar-aks mazhab aur roohaniyat ki taleem deni shuru ki aur is maidan mein woh Mashriq ka zabardast ma’navi muballigh ban kar utha aur is ma’nawiyat ke dars ko us ne insani rifah-o-falah ka wahid zariya qarar diya.
Doctor sahib ki nazmein “Milliyat” ke laqab ki mustahiq hain. Doctor sahib ki shairi fana aur nafs kushi ki talqeen karti hai aur yeh khudi aur zindagi ki woh tund mizajon ko barf banati hai aur yeh afsurda dilon ko barq.
Payam-e-Mashriq Iqbal ne Germany ke buland paya shayar Goye ke “Diwan-e-Gharbi-o-Sharqi” ke jawab mein likhi. Goye ne apna yeh diwan jo us ka shahkar tasawwur kiya jata hai, kuch aise hi ashufta aur pur-iztirab halaat mein likha tha.
Dar-asal Inqilab-e-France ke baad Europe kuch is tarah bedar hua ke madiyat ke siwa use duniya mein koi aur qadr dikhai hi na di aur madi rujhan ki raw mein beh kar ma’nawiyat aur wajdan se bohat hi door ja para. Chunanche Europe ki madi fiza aik hassas rooh aur aik ma’nawiyat pasand shakhs ke liye na-qabil-e-zist ban gayi.
Goye jaise insan dost aadmi ke liye aisi mukaddar aur masmoom fiza mein dam lena dushwar tha. Chunanche woh Maghrib se farar kar ke Mashriq mein panah lene ke liye majboor ho gaya.
Israeeli shayar Haina ke mutabiq “Diwan-e-Gharbi-o-Sharqi” se is amar ki shahadat milti hai ke Maghrib apni kamzor aur sard roohaniyat se bezar ho kar Mashriq ke seene se hararat ka mutalashi hai.
1814 mein Goye ne apne majmooa-e-kalam ko shuara-e-Mashriq ki riwayat ke mutabiq “Diwan” ka naam diya aur “Hijrat” ke unwan se us ka sar-aaghaz likha jo mukhtasir yoon shuru hota hai:
“Shumal-o-Maghrib aur junub pareshan aur ashufta hain. Takht-o-taaj barbad ho rahe hain aur saltanaton ke paye laraz rahe hain. Tu is dozakh se door bhaag ja aur dil-pazeer Mashriq ka rukh kar ta ke wahan roohaniyat ki thandi hawa tujh par chale aur mehfil-e-ishq-o-sharab aur aab-e-hayat tujhe zinda kare.”
“Aa ke main bhi isi raah ka musafir hoon ta ke Mashriq ki paak fizaon mein gum ho kar sadiyon peeche chala jaun yahan tak ke aik aise zamane mein pohanch jaun jis mein log Khuda se aasmani qawaneen ko zameeni alfaaz ke waseele se seekha karte the.”
“Aa ke main bhi dayar-e-Mashriq ka musafir hoon ta ke wahan gadriyon ke sath aik pakeeza aur saaf sutri zindagi basar karoon.”
“Ae Hafiz! Is safar-e-door-o-daraaz mein aur in wadiyon ke nasheb-o-faraz mein har jagah tere aasmani nafasay mere hamsafar hain aur mere dil ke liye mojib-e-taskeen hain. Ae Hafiz-e-Muqaddas! Meri arzoo yeh hai ke main safar-o-hazar mein har jagah tere sath rahoon.”
Saniyan yeh nukta bhi zehan nasheen rehna chahiye ke Mashriq-o-Maghrib mein jo khaleej hael ho rahi thi aur jis tareeq se insan ko insan se juda kiya ja raha tha woh Goye jaise wasee mashrab insan ke liye na-qabil-e-bardasht tha. Lehaza us ne ehtram-e-admiyat ko mehfooz rakhte hue insan ko aik doosre se qareeb tar lane ki zabardast muhim shuru ki.
Chunanche “Diwan-e-Sharqi-o-Gharbi” aik azeem ijtimai falsafe ka sang-e-bunyad hai jis ke zariye aalam-e-insani ke ittehad ki jame aur baligh koshish ki gayi hai.
Hum dekhte hain ke Goye ka zamana qaumi ta’assub aur nationalism ki tarweej ka zamana tha jis ke khilaf Goye ki aafaqi aur hama-geer tabiyat ne zabardast aawaz buland ki.
Dar-asal Maghrib mein Masihi taleemat ka nateejah aik rehbani nizam ki shakal mein nikal chuka tha jis ne bil-akhir kalesai hukumat ki surat ikhtiyar kar li thi. Is kalesai hukumat mein jaisa ke Europe ki mazhabi tareekh se wazeh hai, dunyawi umoor ke suljhane ka khana khali tha. Natije ke taur par hukumat aur kalesa aik doosre se bilkul mukhtalif sooratein ikhtiyar kar chuke the.
Chunanche isi wajah se Luther, Rousseau, Machiavelli aur baad-azan Nietzsche waghera ne kalesai hukumat ke khilaf amali aur fikri baghawatein ki.
Is silsile mein Allama Iqbal farmate hain ke jis zehni tehreek ka aaghaz Luther aur Rousseau ki zaat se hua us ne Masihi duniya ki wahdat ko tor kar aik aisi ghair-murabbat aur muntashir kasrat mein taqseem kar diya jis se ahl-e-Maghrib ki nigahen us aalamgeer se hat kar aqwam-o-milal ki tang hudood mein ulajh gayin.
Goye ne qaumiyat ke past tasawwur ko pas-e-pusht dala aur insaniyat ki tarafdari aur insani biradari ko apna she’aar banaya.
December 1814 mein us ne likha:
“Main chahta hoon is Diwan ko aik aaina ya jam-e-jahan-numa ki surat doon aur is mein Mashriq-o-Maghrib ko aik doosre ke qareeb la kar dikhaun.”
May 1815 mein likhta hai:
“Meri arzoo aur mera maqsad yeh hai ke main Mashriq ko Maghrib ke aur maazi ko haal ke aur Irani ko German ke nazdeek karoon.”
Ek aur jagah kehta hai:
“Mashriq aur Maghrib Allah ke hain aur Shumal-o-Junub bhi.”
Goye ne ittehad-e-insani ke is azeem maqsad ke liye aalamgir adab ka sahara liya.
Diwan-e-Gharbi-o-Sharqi mein qaumi aur mazhabi ta’assubat se Goye ki shadeed nafrat bhi numayan hai.
Woh kehta hai:
“Agar Islam ke ma’ni apne umoor aur iradon ko Khuda ke supurd karne ka naam hai to hum sab Musalman hain aur Musalman hi marenge.”
Apni nazm “Saqi Nama” mein Quran Pak ke mutalliq likhta hai:
“Baaz log Quran ko qadeem aur baaz haadis tasawwur karte hain. Mujhe is raaz ka ilm nahin aur na hi main ise jana chahta hoon kyun ke mera to yahi iman hai ke Quran Allah ka kalam hai aur Musalmanon ke liye bas itna hi jan’na kafi hai.”
Goye ne Paighambar-e-Islam ﷺ ki tareef mein jaga jaga nazmein kahi hain aur is tareeq se koshish ki ke Sharq-o-Gharb ke baahmi ta’assubat ko khatam kare.
Iqbal Goye ke in pakeeza rujhanat se bohat mutasir hua. “Payam-e-Mashriq” ke aaghaz mein is haqeeqat ka iqraar Iqbal ne yun kiya:
Har do danaye zameer-e-kainaat
Har do payam-e-hayat andar mamataat
Har do khanjar subh khanda aaeena
Naam-e-oo barahna, man hanooz andar niyaam
Payam-e-Mashriq mein baaz nazmein Goye ke Diwan ki nazmon ka azad tarjuma hain, maslan “Hoor-o-Shayar” aur “Joo-e-Aab”.
“Joo-e-Aab” mein Iqbal ne Islam ko aik behta hua dariya qarar diya hai jo band-o-shikan se guzarta hua apni la-mutanahi manzil yani Khuda ki taraf barhta chala jata hai:
Daryaye purkharosh! z band-o-shikan guzasht
Az tangnaye wadi-o-koh-o-daman guzasht
Yaksa cho sail kard nasheb-o-faraz ra
Az karkh-e-shah-o-bara-o-kasht-o-chaman guzasht
…
Aakhir mein Iqbal Maghrib ko paigham deta hai ke woh aql ki bajaye ishq ki taraf rujoo kare kyun ke wahi jazba insan ko us ki sahih manzil tak pohanchata hai.
“Az man ae baad-e-saba goye badanaye Farang
Aql ta bal kushaad girftar ast
Ajab aan nist ke aijaz-e-Maseeha dari
Ajab in ast ke beemar tu beemar tar ast.”
Insan ki baqa aur taraqqi ka raaz ehtram-e-admiyat mein muzmar hai. Agar insan waqai chahta hai ke woh izzat aur namoos ke sath zindagi basar kare to zaroori hai ke woh rang-o-nasab ke napaak tasawwur aur qaumiyat-o-watniyat ke zaleel aqeede chhor kar insani ukhuwwat aur muhabbat ko apna nasb-ul-ain banaye.
