(Asrar-e-Khudi-02) Kalam-e-Iqbal Ko Kaise Samajha Jaye? کلام اقبال کو کیسے سمجھا جائے؟
کلام اقبال کو کیسے سمجھا جائے؟
ایک دفعہ 1925ء میں پروفیسر یوسف سلیم چشتی نے علامہ اقبال سے دبی ہوئی زبان سے یہ عرض کی کہ اسرار اور پیام دونوں کتابیں سمجھ میں نہیں آتیں لیکن ان سے قطع نظر بھی نہیں کر سکتا۔ دماغ قاصر سہی لیکن دل ان کی طرف ضرور مائل ہے۔ یہ سن کر علامہ نے دریافت فرمایا کہ “اسرارِ خودی کتنی مرتبہ پڑھی ہے؟” جواب میں کہا “جناب والا! ساری کتاب تو نہیں پڑھی صرف پہلا باب پڑھا، لیکن وہ سمجھ میں نہیں آیا۔ اس لئے آگے پڑھنے کی ہمت ہی نہ ہوئی۔ اب رہی دوسری کتاب تو اس کی غزلیں تو پڑھ لی ہیں لیکن نہ لالہ طور تک رسائی ہوئی نہ نقش فرنگ تک”۔ یہ سن کر علامہ نے فرمایا کہ “خوش نویسی یا موسیقی ایک دن میں نہیں آسکتی ہیں؟ فلسفیانہ نظمیں ایک دفعہ پڑھنے سے کیسے اور کیونکر سمجھ میں آسکتی ہیں؟ الفارابی نے ارسطو کی مابعد الطبیعات کو کئی سال تک مسلسل پڑھا تھا۔ تم بھی اس کی تقلید کرو اور ان کتابوں کو بار بار پڑھو”۔
Kalam-e-Iqbal Ko Kaise Samajha Jaye?
Ek dafa 1925 mein Professor Yousuf Saleem Chishti ne Allama Iqbal se dabi hui zaban se yeh arz ki ke Asrar aur Payam donon kitabein samajh mein nahi aati lekin un se qata-e-nazar bhi nahi kar sakta. Dimagh qasir sahi lekin dil un ki taraf zaroor mayel hai. Yeh sun kar Allama ne daryaft farmaya ke “Asrar-e-Khudi kitni martaba parhi hai?” Jawab mein kaha “Janab-e-wala! Sari kitab to nahi parhi sirf pehla bab parha, lekin woh samajh mein nahi aaya.
Is liye aage parhne ki himmat hi na hui. Ab rahi dusri kitab to us ki ghazlein to parh li hain lekin na lala-e-toor tak rasai hui na naqsh-e-farang tak”. Yeh sun kar Allama ne farmaya ke “Khush-naveesi ya mauseeqi ek din mein nahi aa sakti hain? Falsafiyana nazmein ek dafa parhne se kaise aur kyonkar samajh mein aa sakti hain? Al-Farabi ne Arastoo ki Ma-baad-ul-tabiyat ko kai saal tak musalsal parha tha. Tum bhi is ki taqleed karo aur in kitabon ko baar baar parho.”
