(Payam-e-Mashriq-001) Tamheed پیامِ مشرق تمہید

تمہید

پیامِ مشرق کی تصنیف (23-1922ء) کا سلسلہ 1918ء سے شروع ہو کر 1923ء میں ختم ہوا۔ یہ وہ زمانہ ہے جب امیر امان اللہ خان سابق حکمرانِ افغانستان ہندی مسلمانوں کی توجہ کا مرکز بنے ہوئے تھے۔ امیر موصوف اپنے باپ امیر حبیب اللہ خان کے قتل کے بعد 1919ء میں تخت نشین ہوئے۔ انہوں نے انگریزوں کے خلاف اعلانِ جنگ کر دیا۔ وہ اس لئے کہ افغانستان کی خارجہ سیاست انگریزوں کے زیرِ اثر تھی اور امیر موصوف اسے غلامی تصور کرتے تھے۔ انگریزوں نے پہلے معرکے میں شکست کھائی اور افغانستان سے صلح پر تیار ہوئے۔

راولپنڈی میں صلح نامہ مرتب ہوا جس کی رو سے برطانیہ نے افغانستان کی آزادی کو تسلیم کر لیا۔ آزادی کے بعد امیر موصوف نے قومی اور ملکی اصلاحات پر توجہ دی اور شروع میں انہیں کامیابی بھی حاصل ہوئی۔ اس لئے علامہ اقبال نے ان کی ذات سے بہت کچھ توقعات وابستہ کر لیں اور اپنی اس مایہ ناز تصنیف کو ان سے منسوب کر دیا۔

اس کے بارے میں وضاحت کرتے ہوئے آپ نے کتاب کے دیباچے میں فرمایا:

“اس وقت دنیا میں اور بالخصوص مشرقی ممالک میں ہر ایسی کوشش جس کا مقصد افرادِ قوم کی نگاہ کو جغرافیائی حدود سے بالاتر کر کے ان میں ایک صحیح اور قوی انسانی سیرت کی تجدید یا تولید ہو قابلِ احترام ہے اسی بنا پر میں نے ان چند اوراق کو اعلیٰ حضرت فرمانروائے افغانستان کے نامِ نامی سے منسوب کیا ہے کہ وہ اپنی فطری ذہانت و فطانت سے اس نکتے سے بخوبی آگاہ معلوم ہوتے ہیں اور افغانوں کی تربیت انہیں خاص طور پر مدنظر ہے۔ اس عظیم الشان کام میں خدا تعالیٰ ان کا حامی و ناصر ہو۔”

علامہ اقبال نے اس پیشکش میں خلوص کے ساتھ ملی، مذہبی اور سیاسی ترقی کا پروگرام مرتب کر کے امیر موصوف کی خدمت میں پیش کیا تھا۔ اگر وہ اس کو مدنظر رکھتے تو وہ اپنے مقاصد میں کامیاب ہو جاتے۔ ایسا معلوم ہوتا ہے کہ انہوں نے اسے پڑھنے کی زحمت گوارا نہیں کی۔ لیکن علامہ اقبال نے اپنا فرض ادا کرتے ہوئے حقائق و معارف بیان کر دئیے۔

پیش کش کا تجزیہ

اس پیشکش میں سات بند ہیں:

پہلے بند میں: شاعر نے اپنا مدعا بیان کیا ہے۔

دوسرے بند میں: گوئٹے سے اپنا موازنہ کرتے ہوئے اپنی قوم کی کوتاہ نظری کا شکوہ کیا ہے۔

تیسرے بند میں: مسلمانانِ عالم کی حالتِ زار کا نقشہ بیان کیا ہے۔ اس بند کی روح آخری شعر میں درج ہے:
در مسلمان شانِ محبوبی نماند خالد و فاروق و ایوبی نماند

چوتھے بند میں: ممدوح سے خطاب کیا گیا ہے۔ اس بند کے آخری شعر میں وہ نصب العین مقرر کیا ہے جسے ہر مسلمان فرمانروا کو مدنظر رکھنا چاہئے تاکہ وہ ملت کے لئے سرمایہ قوت بن سکے۔

پانچویں بند میں: اس حقیقت کو واضح کیا گیا ہے کہ ترقی کے لئے حکمت اور دولت ضروری ہے۔

چھٹے بند میں: ممدوح کو مشورہ دیا گیا ہے کہ ارکانِ دولت کے انتخاب میں بہت دانائی سے کام لینا چاہئے۔

ساتویں بند میں: ممدوح کو اصلاحِ باطن کا مشورہ دیا گیا ہے۔ اس کے بغیر شانِ فقر پیدا نہیں ہو سکتی۔ شانِ فقر کے بغیر ایک مسلمان حکمران اور چنگیز یا ہلاکو میں کوئی فرق نہیں ہے۔

اگر وہ خلوصِ نیت سے عمل کرتا تو آج افغانستان کی حالت کچھ اور ہوتی۔ (خطاب کا مضمون اور انداز نہایت دلکش اور بلیغ ہے)۔ یہ قصیدہ نہیں بلکہ اس کے لئے نصیحت نامہ ہے……

Tamheed

Payam-e-Mashriq ki tasneef (1922-23ء) ka silsila 1918ء se shuru ho kar 1923ء mein khatam hua. Yeh woh zamana hai jab Ameer Amanullah Khan sabiq hukmran-e-Afghanistan Hindi Musalmanon ki tawajjo ka markaz bane hue thay. Ameer mausoof apne baap Ameer Habibullah Khan ke qatl ke baad 1919ء mein takht nasheen hue. Unhon ne Angrezon ke khilaf elaan-e-jang kar diya. Woh is liye ke Afghanistan ki kharja siyasat Angrezon ke zir-e-asar thi aur Ameer mausoof ise ghulami tasawwur karte thay. Angrezon ne pehle maarke mein shikast khai. Aur

Afghanistan se sulah par tayyar hue. Rawalpindi mein sulah-nama murattab hua jis ki roo se Bartaniya ne Afghanistan ki azadi ko tasleem kar liya. Azadi ke baad Ameer mausoof ne qaumi aur mulki islahaat par tawajjo di aur shuru mein unhein kamyabi bhi hasil hui. Is liye Allama Iqbal ne un ki zaat se bohat kuch tawaqqoat wabasta kar lein aur apni is maya-naz tasneef ko un se mansoob kar diya. Is ke baare mein wazahat karte hue Aap ne kitab ke deebache mein farmaya:

“Is waqt duniya mein aur bil-khusoos Mashriqi mumalik mein har aisi koshish jis ka maqsad afraad-e-qaum ki nigah ko jugrafiyai hudood se bala-tar kar ke un mein ek sahih aur qawi insani seerat ki tajdeed ya tauleed ho qabil-e-ehtiram hai isi bina par mein ne in chand auraaq ko Aala Hazrat Farmanrawa-e-Afghanistan ke naam-e-naami se mansoob kiya hai ke woh apni fitri zahanat-o-fatanat se is nukte se ba-khubi aagah maloom hote hain aur Afghanon ki tarbiyat unhein khaas taur par mad-de-nazar hai. Is azeem-ush-shaan kaam mein Khuda Ta’ala un ka haami-o-nasir ho.”

Allama Iqbal ne is pesh-kash mein khuloos ke saath milli, mazhabi aur siyasati taraqqi ka pogram murattab kar ke Ameer mausoof ki khidmat mein pesh kiya tha. Agar woh is ko mad-de-nazar rakhte toh woh apne maqasid mein kamyab ho jate. Aisa maloom hota hai ke unhon ne ise parhne ki zahmat gawara nahi ki. Lekin Allama Iqbal ne apna farz ada karte hue haqaiq-o-ma’arif bayan kar diye.

Pesh-kash Ka Tajziya

Is pesh-kash mein saat band hain:

1. Pehle band mein: Shayer ne apna mudda bayan kiya hai.
2. Doosre band mein: Goethe se apna muwazna karte hue apni qaum ki kotah-nazri ka shikwa kiya hai.
3. Teesre band mein: Musalmanan-e-Aalam ki halat-e-zaar ka naqsha bayan kiya hai. Aakhri sher mein is band ki rooh darj hai:
   Dar Musalman shaan-e-mahoobi namand
   Khalid-o-Farooq-o-Ayoobi namand
4. Chauthe band mein: Mamdooh se khitab kiya gaya hai. Is band ke aakhri sher mein woh nasb-ul-ain muqarrar kiya hai jise har Musalman farmanrawa ko mad-de-nazar rakhna chahiye taake woh millat ke liye sarmaya-e-quwwat ban sake.
5. Panchvein band mein: Is haqeeqat ko wazeh kiya gaya hai ke taraqqi ke liye hikmat aur daulat zaroori hai.
6. Chatte band mein: Mamdooh ko mashwara diya gaya hai ke arkan-e-daulat ke intekhab mein bohat danayi se kaam lena chahiye.
7. Saatvein band mein: Mamdooh ko islah-e-baatin ka mashwara diya gaya hai. Is ke baghair shaan-e-faqr paida nahi ho sakti. Shaan-e-faqr ke baghair ek Musalman hukmran aur Changez ya Hulagu mein koi farq nahi hai.

Agar woh khuloos-e-niyat se amal karta toh aaj Afghanistan ki halat kuch aur hoti. (Khitab ka mazmoon aur andaz nihayat dilkash aur baleegh hai). Yeh qasida nahi balki is ke liye nasihat-nama hai……