(Pas Che Bayad Kard-00) Pas Che Bayed Kard Ae Aqwam-e-Mashriq پس چہ باید کرد اے اقوامِ شرق
Urdu
پس چہ باید کرد اے اقوامِ شرق
یہ ستمبر 1934ء میں شائع ہوئی جس میں علامہ اقبال نے نادر شاہ کی دعوت پر افغانستان کا سفر کرنے کے بعد اپنے تاثرات نظم کی صورت میں بیان کئے ہیں۔
یہ دراصل افغانستان کی چند روزہ سیاحت کی داستان ہے جس میں نادر شاہ، اقوامِ سرحد، شہنشاہ بابر، حکیم سنائی، سلطان محمود غزنوی، احمد شاہ بابا اور اعلیٰ حضرت ظاہر شاہ کو خراجِ عقیدت پیش کیا گیا ہے یہ Advisory تین سو بارہ اشعار پر مشتمل ہے۔ علامہ اقبال، مولانا سید سلیمان ندوی اور سر سید راس مسعود کے ہمراہ حکومتِ افغانستان کی دعوت پر بعض مذہبی اور تعلیمی امور میں صلاح و مشورت کے لئے وہاں تشریف لے گئے اور 20 اکتوبر سے 3 نومبر 1933ء تک قیام پذیر رہے۔
اس کی تمہید میں اقبال نے نادر شاہ شہید کی حمایتِ دین کی توصیف کی ہے اور بعد ازاں اقوامِ سرحد کو مخاطب کر کے ان کو “رموزِ دینِ مصطفیٰ” سے آشنا ہونے اور تعمیرِ خودی کی تلقین کی ہے۔ اس مثنوی کی تصنیف کی خاطر شاعرِ مشرق اپنا سفر اعلیٰ حضرت نادر شاہ شہید کے مزار پر حاضری سے شروع کرتے ہیں۔ پھر بابر خلد آشیانی، حکیم سنائی اور سلطان محمود غزنوی کے مزارات کی زیارات سے مشرف ہوتے ہیں، قندھار میں خرقہ مبارک کی زیارت کرتے ہیں۔ اور احمد شاہ بابا کے مزار پر حاضری دیتے ہیں۔ ان تمام مقامات سے انہیں جو پیغامات ملتے ہیں۔ اقبال انہیں دنیائے اسلام میں پھیلاتے ہیں۔ آخر میں ظاہر شاہ کو رموزِ مملکت و اسرارِ دین سکھاتے ہیں اور مثنوی ختم ہو جاتی ہے۔
یہ مثنوی مولانا سید سلیمان ندوی کی زبان میں “افغانستان کی چند روزہ سیاحت پر موصوف کے شاعرانہ جذبات کا مجموعہ ہے…… فارسی زبان میں خیبر و سرحد و کابل و غزنین و قندھار کے عبرت انگیز مناظر و مقابر پر شاعر کے آنسو ہیں اور بابر، سلطان محمود، حکیم سنائی اور احمد شاہ درانی کی خاموش تربتوں کے زبانِ حال سے سوال و جواب ہیں۔
مثنوی پس چہ باید کرد اے اقوامِ شرق……
“مثنوی پس چہ باید کرد” کا آغاز علامہ اقبال نے جولائی 1911ء میں کیا۔ اس مثنوی کی تصنیف ان کی ذاتی ذہنی اختراع نہ تھی بلکہ والدِ گرامی کی فرمائش تھی جسے پورا کرنے کا انہوں نے وعدہ کر لیا اور ابتدائی اشعار بھی لکھ ڈالے اس بات کا ذکر علامہ اقبال نے عطیہ بیگم کے نام اپنے ایک خط 7 جولائی 1911ء میں یوں فرمایا۔
“والد نے مجھ سے فرمائش کی ہے کہ میں بو علی قلندر کی مثنوی کے نمونے پر فارسی میں کوئی مثنوی لکھوں اور اس اہم کام کی مشکلات کے باوجود میں نے ایسا کرنے کا وعدہ کر لیا ہے۔”
فقہہ سہ، حیدرا، ۲، نے مثنوی “پس چہ باید کرد” کے بارے میں علامہ اقبال کی زبانی جو واقعہ نقل کیا ہے اس سے مندرجہ بالا خط کی تائید مزید ہوتی ہے اور “پس منظر” کھل کر سامنے آ جاتا ہے، ان کا بیان ہے۔
ڈاکٹر اقبال مرحوم جس زمانے میں 177 انارکلی کے دو منزلہ مکان میں رہتے تھے، انہی دنوں ایک ایسا واقعہ پیش آیا ہے جسے صرف ایک واقعہ سمجھ کر سن لینا اور پڑھ لینا کافی نہیں ہے بلکہ مرحوم کے اس شعر کے پس منظر میں کہ؎
مری نوائے پریشاں کو شاعری نہ سمجھ
کہ میں ہوں محرمِ رازِ درونِ خانہ
اس پر جتنا بھی غور کیا جائے ذہن و فکر کی نئی لذت اور بالیدگی حاصل ہوتی ہے اور شعور و احساس کی دنیا و وارداتِ قلبی کی آئینہ دار بن جاتی ہے۔ یہ واقعہ شاعرِ مشرق کی شعر گوئی کے سب سے نمایاں پہلو کو پیش کرتا ہے، یہ سرسری طور پر گزر جانے کا نہیں ٹھہرنے، غور کرنے اور لطف لینے کا مقام ہے۔
ہوا یوں کہ ایک بار رات گئے سوتے سوتے علامہ اقبال مرحوم کی آنکھ کھل گئی۔ دیکھا بلکہ محسوس کیا کہ قلب پر شعر گوئی کی وہ خاص کیفیت طاری ہے، یہ وہ عالم ہے جسے شاعری کی زبان میں “آمد” سے تعبیر کیا جاتا ہے۔
ڈاکٹر صاحب مکان کی دوسری منزل پر استراحت فرما تھے، پاس نہ کاغذ تھا نہ پنسل، چپ چاپ اٹھے، لالٹین ہاتھ میں اٹھائی اور سیڑھیوں سے قدرے تیزی کے ساتھ اتر کر نچلی منزل میں پہنچے، لالٹین ایک طرف رکھ دی، کاغذ اور قلم سنبھالا اور جس قدر اشعار اس وقت موزوں ہوتے گئے، انہیں قلم بند کرتے گئے، یہاں تک کہ نزولِ شعر کی یہ کیفیت اختتام کو پہنچی، انہوں نے بالائی منزل پر جانے کا ارادہ کیا ہی تھا کہ ایک سفید ریش، طویل قامت، درویش صفت بزرگ نظر آئے، ڈاکٹر صاحب نے حیرت و استعجاب کے انداز میں دریافت کیا، آپ کون ہیں اور کیا چاہتے ہیں؟ درویش نے دونوں ہاتھ اٹھاتے ہوئے جلدی جلدی کہا پانچ سو آدمی تیار کرو…… پانچ سو آدمی تیار کرو یہ کہتے ہوئے وہ بازار کی طرف کھلنے والے دروازے کی طرف بڑھتے گئے، حالانکہ اس طرف کوئی راستہ نہ تھا ڈاکٹر صاحب نے لالٹین اٹھائی اور زینے کی طرف اشارہ کرتے ہوئے جہاں گھپ اندھیرا تھا کہا۔ “چلیے میں آپ کو راستہ دکھاؤں اور نیچے تک لے چلوں لیکن اس مردِ بزرگ نے ڈاکٹر صاحب کی اس پیشکش کا کوئی جواب نہیں دیا۔ وہ اپنا وہی فقرہ اسی جوش اور تاکید کے ساتھ دہراتے ہوئے اوجھل ہو گئے۔ ڈاکٹر صاحب زینے کی طرف سے سیڑھیاں طے کر کے بازار میں آئے اور دور تک دیکھا مگر بزرگ کا کہیں پتہ نہ تھا، جیسے وہ ڈاکٹر صاحب سے اپنے اس جملہ کو کہنے کے لئے ہی تشریف لائے تھے اور وہ جملہ کہہ کر غائب ہو گئے اس اثناء میں ڈاکٹر صاحب کو رات میں گشت کرنے والا کانسٹیبل نظر آیا، اس سے دریافت کیا کہ تم نے اس وضع قطع، چال ڈھال اور حلیہ کا کوئی آدمی تو نہیں دیکھا، کانسٹیبل نے نفی میں جواب دیا۔ ڈاکٹر صاحب مایوس ہو کر اپنے گھر لوٹ آئے اور پھر بستر پر سو گئے صبح کو جب بیدار ہوئے تو رات کا واقعہ ذہن میں بالکل تازہ تھا، مگر پھر خیال آیا کہ شاید انہوں نے خواب دیکھا ہے، لیکن جب نچلی منزل میں آکر رات کے لکھے ہوئے اشعار موجود پائے اور قریب ہی لالٹین رکھنے کا نشان بھی ابھرا ہوا تھا، تو ذہن اس طرف منتقل ہوا کہ وہ خواب تھا یا بیداری تھی، بہرحال جو حالت بھی تھی، اس کا ایک حصہ حقیقت بن چکا ہے۔
بات آئی گئی ہو گئی…… مگر چند دن کے بعد ڈاکٹر صاحب مرحوم گرما کی تعطیلات میں جب سیالکوٹ تشریف لائے تو اپنے والدِ بزرگوار سے اس واقعہ کا تذکرہ کیا۔ شیخ اعجاز احمد اس وقت وہاں موجود تھے، ان کا بیان ہے کہ ڈاکٹر صاحب نے واقعہ سنانے کے بعد اپنے والدِ ماجد سے دریافت کیا کہ “پاچ سو آدمی تیار کرنے” سے اس درویش کی کیا مراد تھی؟ تو انہوں نے فرمایا “پانچ سو آدمی تیار کرنے” کی فرمائش پھر اس پر تاکید، اس کا حقیقی مفہوم تو میں نہیں بتا سکتا مگر “تم پانچ سو آدمی تیار نہیں کر سکتے تم آدمی بنانے والی پانچ سو اشعار کی کتاب ہی لکھ دو۔”
اس واقعہ کو ذہن میں رکھ کر قارئینِ کرام ڈاکٹر صاحب مرحوم کی مشہور “مثنوی پس چہ باید کرد اے اقوامِ شرق” کا تصور کریں بلکہ اسے ایک بار پڑھیں، اس کے شعروں کی تعداد 531 ہے یعنی پانچ سو اشعار سے کچھ ہی زیادہ! خاص طور پر ذکر کے قابل بات یہ ہے کہ اس مجموعہ کلام کا آغاز ہی اس شعر سے ہوتا ہے۔
سپاہِ تازہ برانگیزم از ولایتِ عشق
کہ در حرم خطرے از بغاوتِ خرد است
ابھی مثنوی “پس چہ باید کرد” کی تصنیف جاری تھی اور علامہ اقبال بغرضِ علاج بھوپال میں سر سید راس مسعود کے ہاں مقیم تھے کہ خواب میں سر سید احمد خان سے ملاقات ہوئی، اس ملاقات کا حال علامہ اقبال نے پروفیسر الیاس برنی کے نام اپنے ایک خط محررہ 3 جون 1936ء میں یوں بیان فرمایا ہے۔……
“3 اپریل کی رات 3 بجے کے قریب (میں) اس شب بھوپال میں تھا، میں نے سر سید علیہ الرحمہ کو خواب میں دیکھا، پوچھتے ہیں۔ تم کب سے بیمار ہو؟ میں نے عرض کیا، دو سال سے اوپر مدت ہو گئی، فرمایا: “حضورِ رسالت مآبؐ کی خدمت میں عرض کرو” میری آنکھ اسی وقت کھل گئی۔ آنکھ کھلی تو یہ شعر زبان پر تھا……:
با پرستارانِ شب دارم ستیز
باز روغن در چراغِ من بریز
پھر چند اشعار حضورِ سرورِ کائناتؐ سے عرضِ احوال میں ہوئے، رفتہ رفتہ ہند اور بیرونِ ہند کے سیاسی اور اجتماعی حوادث نے ان کو اس قدر متاثر کیا کہ ان اشعار نے ایک مستقل مثنوی کی شکل اختیار کر لی، یہ مثنوی ستمبر 1936ء میں شائع ہوئی۔
اس مثنوی میں سب سے پہلے اقبال، پیرِ رومیؒ کی زبان سے یہ خوشخبری سناتے ہیں کہ ؎
خاور از خوابِ گراں بیدار شد
پھر پیرِ رومیؒ اقبال کو نصیحت کرتے ہیں کہ تم اہلِ مشرق کو دین و سیاست کے معانی و مقاصد سمجھاؤ۔ چنانچہ اول حکمتِ کلیمی اور حکمتِ فرعونی کے خصائص بتا کر ان کا موازنہ کرتے ہیں، پھر توحید کا درس دیتے ہیں اور نفی و اثبات کو ساز و برگِ امّتاں، ثابت کرتے ہیں، پھر فقر اور مروّت کی ایمان افروز اور روح پرور تفسیر و تفصیل بیان کرتے ہیں، اس کے بعد شریعت و طریقت کے اسرار و رموز سے بحث کی ہے، پھر افتراقِ بندیاں پر ماتم کر کے اتحاد کا سبق پڑھایا ہے۔ سیاسیاتِ حاضرہ پر تبصرہ کرنے کے بعد امتِ عربیہ سے خطاب کر کے ان کو ان کا عہدِ ماضی یاد دلایا ہے، پھر تمام اقوامِ شرق کو خطاب کر کے دریافت کرتے ہیں کہ اب کیا کرنا چاہیے۔ اقبال نے خود ہی اس کے جواب میں سیاستِ افرنگ کا طلسم توڑ کر اقوامِ ایشیاء کو عوامی بیداری کا پیغام دیا ہے اور مآل کار سر سید علیہ الرحمہ کی ہدایت کے مطابق بارگاہِ رسالت مآبؐ میں فریاد کی ہے۔ “مثنوی پس چہ باید کرد اے اقوامِ شرق” کا تذکرہ کرتے ہوئے پروفیسر یوسف سلیم چشتی نے ایک بار علامہ کی خدمت میں عرض کیا کہ…… “آپ کی ساری شاعری جسم ہے اور مثنوی پس چہ باید کرد اس کا دل”…… پروفیسر موصوف کا بیان ہے کہ میری اس رائے پر علامہ اس انداز سے مسکرائے، جیسے کسی نے ان کے دل کی بات کہہ دی ہو۔
سر شیخ عبد القادر تحریر کرتے ہیں۔ “اس مختصر سی نظم میں مشرقی اقوام کی مغربی استحکام کے تحت کمزور حالت پر روشنی ڈالی گئی ہے۔ اس کا مقصد اقوام کو جھنجھوڑ دینا تھا اور اس کی اہمیت کی ایک وجہ یہ بھی تھی کہ اس نظم سے اقبال کی امتیازی وسعتِ نظر ظاہر ہوتی تھی، اسی وجہ سے اقبال کو شاعرِ مشرق کہا جاتا ہے۔”
Roman Urdu
Pas Che Bayad Kard Aey Aqwam-e-Sharq
Yeh September 1934 mein shaya hui jis mein Allama Iqbal ne Nadir Shah ki dawat par Afghanistan ka safar karne ke baad apne taasurat nazm ki surat mein bayan kiye hain.
Yeh darasal Afghanistan ki chand roza siyahat ki dastan hai jis mein Nadir Shah, Aqwam-e-Sarhad, Shahenshah Babar, Hakeem Sanai, Sultan Mahmood Ghaznavi, Ahmad Shah Baba aur Aala Hazrat Zahir Shah ko khiraj-e-aqeedat pesh kiya gaya hai yeh masnavi teen sau barah ashaar par mushtamil hai. Allama Iqbal, Maulana Syed Suleiman Ndvi aur Sir Syed Ross Masood ke hamrah hukumat-e-Afghanistan ki dawat par baaz mazhabi aur taleemi umoor mein salah o mashwarat ke liye wahan tashreef le gaye aur 20 October se 3 November 1933 tak qiyam pazeer rahe.
Is ki tamheed mein Iqbal ne Nadir Shah Shaheed ki himayat-e-deen ki tauseef ki hai aur baad azan Aqwam-e-Sarhad ko mukhatib kar ke un ko “rumooz-e-deen-e-Mustafa” se aashna hone aur tameer-e-khudi ki talqeen ki hai. Is masnavi ki tasneef ki khatir Shair-e-Mashriq apna safar Aala Hazrat Nadir Shah Shaheed ke mazar par hazri se shuru karte hain. Phir Babar Khuld Aashiyani, Hakeem Sanai aur Sultan Mahmood Ghaznavi ke mazarat ki ziyarat se musharraf hote hain. Qandahar mein Khirqa Mubarak ki ziyarat karte hain. Aur Ahmad Shah Baba ke mazar par hazri dete hain. In tamam maqamat se unhein jo paighamat milte hain, Iqbal unhein duniya-e-Islam mein phelate hain. Aakhir mein Zahir Shah ko rumooz-e-mamlikat wa asrar-e-deen sikhate hain aur masnavi khatam ho jati hai.
Yeh masnavi Maulana Syed Suleiman Ndvi ki zaban mein “Afghanistan ki chand roza siyahat par mausoof ke shairana jazbaat ka majmua hai…… Farsi zaban mein Khyber wa Sarhad wa Kabul wa Ghazneen wa Qandahar ke ibrat angeez manazir wa maqabir par shair ke aansoo hain aur Babar, Sultan Mahmood, Hakeem Sanai aur Ahmad Shah Durrani ki khamosh turbaton ke zaban-e-haal se sawal o jawab hain.
Masnavi Pas Che Bayad Kard Aey Aqwam-e-Sharq……
“Masnavi Pas Che Bayad Kard” ka aaghaz Allama Iqbal ne July 1911 mein kiya. Is masnavi ki tasneef un ki zaati zehni ikhtira na thi balkeh walid-e-girami ki farmaish thi jise poora karne ka unhone wada kar liya aur ibtidai ashaar bhi likh dale is baat ka zikr Allama Iqbal ne Atiya Begum ke naam apne ek khat 7 July 1911 mein yun farmaya.
“Walid ne mujh se farmaish ki hai keh mein Bu Ali Qalandar ki masnavi ke namune par Farsi mein koi masnavi likhoon aur is aham kaam ki mushkilat ke bawajood mein ne aisa karne ka wada kar liya hai.”
Fiqha-sah, Haidra, 2, ne masnavi “Pas Che Bayad Kard” ke bare mein Allama Iqbal ki zabani jo waqia naqal kiya hai, is se mundarja bala khat ki taeid mazeed hoti hai aur “pas-manzar” khul kar samne aa jata hai, un ka bayan hai.
Doctor Iqbal marhoom jis zamane mein 177 Anarkali ke do-manzila makan mein rehte the, inhi dinon ek aisa waqia pesh aaya hai jise sirf ek waqia samajh kar sun lena aur parh lena kafi nahi hai balkeh marhoom ke is shair ke pas-manzar mein keh:
Meri nawa-e-pareshan ko shairi na samajh
Keh mein hoon mahram-e-raaz-e-daroon-e-khana
Is par jitna bhi ghor kiya jaye zehn o fikr ki nayi lazzat aur baleedgi hasil hoti hai aur shaoor o ehsaas ki duniya wa waridat-e-qalbi ki aaina-dar ban jati hai. Yeh waqia Shair-e-Mashriq ki shair-goi ke sab se numayan pehloo ko pesh karta hai, yeh sarsari tour par guzar jaane ka nahi theherne, ghor karne aur lutf lene ka maqam hai.
Hua yun keh ek baar raat gaye sote sote Allama Iqbal marhoom ki aankh khul gayi. Dekha balkeh mahsoos kiya keh qalb par shair-goi ki woh khaas kaifiyat taari hai, yeh woh aalam hai jise shairi ki zaban mein “Aamad” se tabeer kiya jata hai.
Doctor sahab makan ki doosri manzila par istrahat farma the, paas na kaghaz tha na pencil, chup chap uthe, lalteen hath mein uthai aur seerhiyon se qadre tezi ke sath utar kar nichli manzila mein pahunche, lalteen ek taraf rakh di, kaghaz aur qalam sanbhala aur jis qadar ashaar is waqt mauzoon hote gaye, unhein qalam-band karte gaye, yahan tak keh nazool-e-shair ki yeh kaifiyat ikhtitam ko pahunchi, unhone balai manzila par jaane ka irada kiya hi tha keh ek safaid reesh, taweel qamat, darwesh sifat buzurg nazar aaye, Doctor sahab ne hairat wa istajab ke andaz mein daryaft kiya, aap kaun hain aur kya chahte hain? Darwesh ne donon hath uthate hue jaldi jaldi kaha paanch sau aadmi tayyar karo…… paanch sau aadmi tayyar karo yeh kehte hue woh bazar ki taraf khulne wale darwaze ki taraf barhte gaye, halankeh is taraf koi rasta na tha Doctor sahab ne lalteen uthai aur zeene ki taraf isharah karte hue jahan ghup andhera tha kaha. “Chaliy,e mein aap ko rasta dikhaoon aur neeche tak le chaloon lekin is mard-e-buzurg ne Doctor sahab ki اس peshkash ka koi jawab nahi diya. Woh apna wahi fiqrah isi josh aur takeed ke sath dohrate hue oojhal ho gaye. Doctor sahab zeene ki taraf se seerhiyan tay kar ke bazar mein aaye aur door tak dekha magar buzurg ka kahin pata na tha, jaise woh Doctor sahab se apne is jumle ko kehne ke liye hi tashreef laye the aur woh jumla keh kar ghaib ho gaye is asna mein Doctor sahab ko raat mein gasht karne wala constable nazar aaya, is se daryaft kiya keh tum ne is waza qata, chaal dhaal aur huliya ka koi aadmi to nahi dekha, constable ne nafi mein jawab diya. Doctor sahab mayoos ho kar apne ghar laut aaye aur phir bistar par so gaye subah ko jab bidaar hue to raat ka waqia zehn mein bilkul taza tha, magar phir khayal aaya keh shayad unhone khwab dekha hai, lekin jab nichli manzila mein aakar raat ke likhe hue ashaar maujood paye aur qareeb hi lalteen rakhne ka nishan bhi ubhra hua tha, to zehn is taraf muntaqil hua keh woh khwab tha ya bidaari thi, baharhaal jo halat bhi thi, is ka ek hissa haqeeqat ban chuka hai.
Baat aayi gayi ho gayi…… magar chand din ke baad Doctor sahab marhoom garma ki tatilaat mein jab Sialkot tashreef laye to apne walid-e-buzurgwar se is waqia ka tazkirah kiya. Sheikh Ijaz Ahmad is waqt wahan maujood the, un ka bayan hai keh Doctor sahab ne waqia sunane ke baad apne walid-e-majid se daryaft kiya keh “paanch sau aadmi tayyar karne” se is darwesh ki kya murad thi? toh unhone farmaya “paanch sau aadmi tayyar karne” ki farmaish phir is par takeed, is ka haqeeqi mafhoom toh mein nahi bata sakta magar “tum paanch sau aadmi tayyar nahi kar sakte tum aadmi banane wali paanch sau ashaar ki kitab hi likh do.”
Is waqia ko zehn mein rakh kar qareen-e-kiram Doctor sahab marhoom ki mashhoor “masnavi Pas Che Bayad Kard Aey Aqwam-e-Sharq” ka tasawwur karein balkeh ise ek baar parhein, is ke shairon ki tadaad 531 hai yani paanch sau ashaar se kuch hi zyada! Khaas tour par zikr ke qabil baat yeh hai keh is majmua-e-kalam ka aaghaz hi is shair se hota hai.
Sipah-e-taza barangeezam az walayat-e-ishq
Keh dar haram khatre az baghawat-e-khird ast
Abhi masnavi “Pas Che Bayad Kard” ki tasneef jaari thi aur Allama Iqbal bagharz-e-ilaaj Bhopal mein Sir Syed Ross Masood ke haan muqeem the keh khwab mein Sir Syed Ahmed Khan se mulaqat hui, is mulaqat ka haal Allama Iqbal ne Professor Ilyas Barni ke naam apne ek khat muharrah 3 June 1936 mein yun bayan farmaya hai…….
“3 April ki raat 3 baje ke qareeb (mein) is shab Bhopal mein tha, mein ne Sir Syed Alaih-ur-Rahma ko khwab mein dekha, poochte hain. Tum kab se bimar ho? mein ne arz kiya, do saal se oopar muddat ho gayi, farmaya: “Huzoor-e-Risalat Maab (SAW) ki khidmat mein arz karo” meri aankh isi waqt khul gayi. Aankh khuli toh yeh shair zuan par tha……:
Ba parastaran-e-shab daram sateez
Baz roghan dar chiragh-e-man bareez
Phir chand ashaar Huzoor Sarwar-e-Kainat (SAW) se arz-e-ahaal mein hue, rafta rafta Hind aur beroon-e-Hind ke siyasi aur ijtimai hawadis ne un ko is qadar mutasir kiya keh in ashaar ne ek mustaqil masnavi ki shakal ikhtiyar kar li, yeh masnavi September 1936 mein shaya hui.
Is masnavi mein sab se pehle Iqbal, Peer-e-Rumi (RA) ki zaban se yeh khushkhabri sunate hain keh:
Khawar az khwab-e-giraan bidaar shud
Phir Peer-e-Rumi (RA) Iqbal ko nasihat karte hain keh tum ahl-e-mashriq ko deen wa siyasat ke maani wa maqasid samjhao. Chunancheh awwal hikmat-e-Kaleemi aur hikmat-e-Firauni ke khasais bata kar un ka mawaznah karte hain, phir tauheed ka dars dete hain aur nafi wa isbaat ko saaz o barg-e-ummatan, sabit karte hain, phir faqr aur murawwat ki iman-afrooz aur rooh-parwar tafseer wa tafseel bayan karte hain, is ke baad shariat wa tariqat ke asrar o rumooz se bahas ki hai, phir iftiraq-e-bandiyan par maatam kar ke ittihad ka sabaq parhaya hai. Siyasat-e-hazirah par tabsirah karne ke baad ummat-e-Arabia se khitab kar ke un ko un ka ahd-e-maazi yaad dilaya hai, phir tamam aqwam-e-sharq ko khitab kar ke daryaft karte hain keh ab kya karna chahiye. Iqbal ne khud hi is ke jawab mein siyasat-e-Afrang ka tilism tor kar aqwam-e-Asia ko awami bidaari ka paigham diya hai aur maal-kar Sir Syed Alaih-ur-Rahma ki hidayat ke mutabiq bargah-e-Risalat Maab (SAW) mein faryad ki hai. “Masnavi Pas Che Bayad Kard Aey Aqwam-e-Sharq” ka tazkirah karte hue Professor Yusuf Saleem Chishti ne ek baar Allama ki khidmat mein arz kiya keh…… “Aap ki saari shairi jism hai aur masnavi Pas Che Bayad Kard is ka dil”…… Professor mausoof ka bayan hai keh meri is rai par Allama is andaz se muskuraye, jaise kisi ne un ke dil ki baat keh di ho.
Sir Sheikh Abdul Qadir tahreer karte hain. “Is mukhtasar si nazm mein mashriqi aqwam ki maghribi istahkam ke taht kamzor halat par roshni dali gayi hai. Is ka maqsad aqwam ko jhanjhor dena tha aur is ki ahmeyat ki ek wajah yeh bhi thi keh is nazm se Iqbal ki imtiyazi wusat-e-nazar zahir hoti thi, isi wajah se Iqbal ko Shair-e-Mashriq kaha jata hai.”
